O fútbol sala feminino de elite coouse onte pola mañá no colexio burelao de Vista Alegre a través da experiencia do Burela FSF Pescados Rubén. As xogadoras Claudia e Souza, a gardameta Irene e o segundo adestrador do equipo, Marcelo Santoro ‘Neco’, xunto ao directivo do club José Luís Sáez, compartiron unha clase maxistral coas rapazas de cuarto de primaria, continuando así o ciclo de visitas da entidade laranxa aos centros de ensino e escolas deportivas iniciado a comezos de 2010.

O Xacobeo Galicia cubriu a segunda etapa do Camiño de Santiago pola ruta portuguesa entre as localidades lusas de Curia e Ponte de Lima e queda a escasamente douscentos quilómetros do seu obxectivo final, a praza do Obradoiro en Santiago de Compostela, logo de partir o martes desde Lisboa.

Dez minutos de exercicio sobre a plataforma BodyCoach equivalen a dúas horas de adestramento convencional. Esta revolucionaria máquina, que se pode empregar no centro de estética do Multiusos Fontes do Sar, permite mellorar a condición física e a funcionalidade articular, controlar a osteoporose ou reducir a celulite.

Seguimos medrando. DEPORTEGAL.com continúa consolidándose como unha das páxinas de referencia no eido do deporte galego. O proxecto que nacía hai máis dun ano como un punto de encontro de tódalas disciplinas deportivas en clave de país, botouse a andar sen obrigarnos en ningún intre a ter que cambiar os nosos obxectivos iniciais.